Mynwent Pentir
Rheolau Mynwent Pentir
- Rhaid i rybudd am gladdedigaeth gael ei roi i Glerc y Cyngor, dau ddiwrnod clir (heb gyfrif y Sul) cyn yr angladd,
- Ni chaniateir claddu heb gyflwyno'r dystysgrif i'r Clerc cyn diwrnod yr angladd.
- Pan fydd tystysgrif meddyg yn gorchymyn claddu ar unwaith, gall y Cyngor weithredu drwy wneud eithriad o Reol 1 a 2.
- Bydd giatiau y ddwy Fynwent ar glo parhaol, ac mae angen cael caniatâd cyn mynediad.
- Fel arfer 8' x 4' x 7' 9" o ddyfnder fydd maint bedd, a hynny ar gyfer dim mwy na thair claddedigaeth. Pe ddymunir claddu un neu ddau gorff yn unig yn y bedd, yna fe ganiateir i'r dyfnder fod yn llai ond gofalu bod o leiaf dwy droedfedd a hanner o bridd uwchlaw‘r arch, wrth fesur i lawr o wyneb y tir.
- Rhaid i ddefnyddiau gael ei dwyn i'r fynwent yn y fath fodd ag i beidio niweidio'r rhodfeydd a'r tir. Mae'n ofynnol i bob defnydd gael ei glirio ar ol claddedigaeth. Ni chaniateir defnydd o beiriannau torri gwair neu beiriannau eraill gan deuluoedd neu ymwelwyr yn y fynwent.
- Yn dilyn unrhyw waith rhaid symud ymaith yn syth unrhyw rwbel, pridd neu gerrig dros ben gan y sawl a fu yn gyfrifol am y gwaith. Rhaid i bob difrod a wneir gael ei atgyweirio'n ddi-oed gan bwy bynnag fu'n gyfrifol.
- yn y rhoi'r caniatâd i osod carreg fedd yn y fynwent rhaid i'r sawl a fydd yn gyfrifol am y gwaith anfon cynllun i'r Clerc o'r garreg a fwriedir ei gosod. Ni chaniateir cofebion sydd yn fwy na 3' o led a 4' o uchder a dylid ei gosod ar sylfaen o garreg, llechen neu concrid ac wedi ei ddiogelu a phin dur. Ni chaniateir cyrbau o gwmpas y beddi. Rhaid talu'r ffi angenrheidiol wrth gyflwyno'r cynlluniau.
- Mae plotiau gweddillion amlosgi yn unig wedi eu lleoli yn y ddwy fynwent. Ni chaniateir y cofebion hynny fod mwy na 3’ troedfedd o uchder a 3’ droedfedd o led.
- Ymgymerwyr angladdau fydd yn gyfrifol am agor a chau'r beddau ac yn gyfrifol am gyflogi a diogelwch eu gweithiwr.
- Rhaid diogelu'r beddau nesaf wrth agor bedd newydd a gosod gorchudd priodol ar y beddau hynny i osgoi niwed gan bridd.
- Ymgymerwyr angladdau fydd yn gyfrifol am gyflenwi'r brics a'r gorchuddion ar gyfer y beddau. Rhaid i'r brics gael eu gosod yn eu lle gyda sment ac nid ar unrhyw gyfrif eu gadael yn rhydd. Rhaid i'r gorchuddion fod o goncrid cyfnerthedig os nad o lechen.
- Y beddau a'r cerrig beddau i gael eu cadw mewn trefn gan y meddianwyr, ac os niweidir bedd drwy gwympiad carreg fedd, bydd perchennog y garreg fedd yn gyfrifol am y niwed.
- Disgwylir i bob teulu gadw'r beddi mewn trefn er cynorthwyo’r Cyngor i gadw'r fynwent yn daclus.
- Nid yw’r Cyngor yn caniatau’r gwerthiant o blotiau claddu ymlaen llaw. Bydd plotiau claddu ar gael drwy drefniant angladd yn unig.
- Mae’r Cyngor yn barod i ystyried ceisiadau i osod feinciau ‘coffa’ ond bydd rhaid cael caniatad mewn ysgrifen ar bob achlysur. Rhaid i’r fainc fod o goed addas ag o liw naturiol a bydd disgwyl i’r teulu barhau i gynnal a chadw’r fainc. Os yw’r mainc yn disgyn i gyflwr gwael, yna bydd y Cyngor a’r hawl i’w thynnu a’i gwaredu, yn arbennig os yw’n achosi perygl i ddiogelwch defnyddwyr eraill y fynwent.
- Disgwylir i ymwelwyr ymddwyn yn barchus a boneddigaidd, a rhoi bob ysbwriel yn y biniau sydd wedi eu lleoli wrth y giât.
- Y teulu fydd yn gyfrifol am dynnu'r garreg fedd cyn yr ail a'r trydydd agoriad ac i'w hail osod.
- Mae cyfyngiad gosod ar fedd, unrhyw wrthrych allai ymharu ar les, iechyd, neu ddiogelwch eraill. Ceir arweiniad gan Glerc y Cyngor neu Swyddog cyfrifol arall.
- Cyfrifoldeb i deulu’r ymadawedig yw gwneud trefniadau gydag offeiriad neu weinidog i wasanaethu’r angladd a bod yn gyfrifol am dalu am eu gwasanaeth.
- Ni fydd y Cyngor yn gyfrifol am ddifrod i garreg fedd am unrhyw reswm.
- Mae gan y Cyngor yr hawl o bryd i'w gilydd i wneud unrhyw newidiadau yn y trefniadau hyn.
Cafodd y rheolau uchod eu mabwysiadu yng nghyfarfod o'r Cyngor ar 08/06/2023 a yn weithredol o’r dyddiad hwnnw.
Rheolau a Thelerau Mynwent Pentir a Telerau’r Gladdfa (PDF)
